Luke 3

1Do ŋasi tomon ho miet do hillohitok no Tiberio Kesari, ifa Pontio Pilato ara mamur to Yudeya, ara ifa Erode lo Galileya, hilasi honyie Pilato ara eittok le ŋhati no ituria ho Trakonitis ojo lasiana ara eittok le Agilens, 2Do ŋasi inne leitok lo Fadirihien Anania Kaipas, ottu Hiram no Hollum do Yoani, lenyi Zakaria, da waha

3Oduloi inyeja loton aŋati no hari no Jordan. Etiyana batisimo no ŋabusak no hiyata anyar lo hehini hiyata

4Iya egioro to Buk ne Isaya hekilani. “Elilloŋo lobo tihoni de waha ihuma ikoi na Habu, ihuma ikoi no honyie ana lebis.

5Woni daŋ heti nuhak. Doŋiok daŋ ho mworari anyar leitirio, hunna logulo hetibisak. Hojo masik inne loru eyar lenyilita. 6Owolo iso huwo daŋ ŋaitilahuni Hollum’’

7Hati ojo Yoane do iluluŋ na huwo hulefa afanu de inyeja inyar loruma batisimo tere honyie.’’Itai durre illo hiyeri no muniok ŋai leisar itai irwatik hijoria ne lottu?

8Itireu haŋer inne oremik ho hobo na hiyette ojo to kwaite inne hatai,’Erra iyohoi monye hoihoi Abramo,’ Alimak naŋ da hatai hijo oremik Hollum ŋadumu durre ille Abramo te ho moru.

9Owana toru inne hade huna yani. Yani nie lobe leyani haŋer inne lobe leñar erubahini da fau ette ebirohini to hima.’’

10Ette hiyo hulefa lowon ho ilulung hifia inyieja hijo,’’Hollum hati iyohoi nyo?’’ 11Ettirang inyeja ojo to hosie,’’Lowon lobo hobongojin arrik, hesiara noboti do lia obe nabo, lowuon lobo ho ŋiria hegiama iya nia.”

12Haitiluak haiduduhak ilo musuru efanu hijo anyar leruma batisimo, ojo isieja do honyi,’’Haitiyanani, hoihum iso iyohoi nyo?’’ 13Ojo inyeja do hosie,’’Idek heidumu,’’Arobiaha hunna lolunga hagalik inne isiaha ittai.’’

14Eifi hido hilak osenger inyeja ojo,’’A ma iyohoi? Anyar lehum iyohoi nyo?’’ Ettirang isieja,’’Haidumu arobia tere lobo togolon, hidofe haitisihak lobo to taler. Iriamik itai hoidumuti inne hatai.’’

15Ifa lewak huwo hiwolo Kristo hawoŋ, ebunyuta ifa tajia inno hosie to Yoani hijo hara ma iye Kristo. 16Ettirang Yoani to hosie daŋ, Lara da hanaŋ, Aibatisa naŋ ittai to hifioŋ. Hati ottu iso lobo le oboro agalik naŋ le enya naya larumek aŋahou hamuha inno honyie. Eibatisio iso inyie itai to Oholio lo Olibo ojo te hima.

17Owon hijili no honyie ta hana honyie le egilia ŋama huna abalu inyie, eiticeŋu hafuot adede hofyek ŋama do mugu no honyi, hati ojo hafuot idek de hima na leinya lodunya.’’

18Eitito, Yoane saye inna lanyar de huwo. 19Etiru Yoane Erode haboloni to ŋayemu no ŋorwo ne hilasi, Herodias, hojo saŋ inne lorru leihum Erode. 20Hati einyak Erode hido hihum nobo run hinyak. Esionok Yoane ta Babus .

21Tanafa ifa leibatisari Yoane huwo daŋ. Ojo hido Yesu eibatisa. Ifa ho lomojo isieja ette idou ŋa. 22Ette Loholio ile Olibo ŋadou afau do honyi to wan iya wolo tenie oto hirori tedou hijo,’’Era iye hito hanaŋ la amuno naŋ. Amuno naya iyye.’’

23Ette Yesu to wan, ifa leitiara inyeja hitiyena, ifa leira inyeja ŋasi tomwana hunik. Ara ifa inyeja hito (iyya amara ) tere ho Yosefo, 24Lenyi hoi le, Lenyi Mattanat, lenyi Levi, lenyi Melki, lenyi Yonnai, lenyi Yosefo,

25lenyi Mattathias, lenyi Amos, lenyi Nahum, lenyi Asli, lenyi Naggai, 26lenyi Matt, lenyi Mattathias, lenyi Semein, lenyi Josek, lenyi Joda,

27lenyi Juana, lenyi Rhesa, lenyi Serubabel, lenyi Sheatiel, lenyi Neri, 28lenyi Melchi, lenyi Addi, lenyi Kosam, lenyi Elmadam, lenyi Er, 29lenyi Joshua, Jorim, lenyi Elieser, lenyi Jorim, lenyi Mathat, lenyi Lefi,

30lenyi Simeon, lenyi Judah, lenyi Joseph, lenyi Jonam, lenyi Eliakim, 31lenyi Melea, lenyi Menna, lenyi Mattatha, lenyi Natan, lenyi David, 32lenyi Jesse, lenyi Obed, lenyi Boaz, lenyi Salmon, lenyi Nahshon,

33lenyi Amminadab, lenyi Admin, lenyi Arni, lenyi Hezron, lenyi Perez, lenyi Judah, 34lenyi Jakob, lenyi Isaak, lenyi Abramo, lenyi Terah, lenyi Nahor, 35lenyi Serug, lenyi Reu, lenyi Peleg, lenyi Eber, lenyi Shelah,

36lenyi Kainan, lenyi Arphaxad, lenyi Shem, lenyi Noah, lenyi Lamek, 37lenyi Methusaleh, lenyi Enock, lenyi Jared, lenyi Mahalel, lenyi Kainan, lenyi Enos, lenyi Seth, lenyi Adam, Lenyi Hollum.

38